रुप-स्वरुप

रुप-स्वरुप (कविता)

शोना, क्षणभर पाहता तुला

तू माझा हृदयात केले घर

आता तर शक्यच नाही ग्

तुझ्याविना दूर राहणं क्षणभर

राणी सांगतो मी तुला ऐक !

क्षणात मनात ठसते ते रुप

विचारांना समजून घेऊन 

डोळ्यात साठते ते स्वरूप

प्रिये, तुझ्यासोबत ग् संचार

जीवनात भासे वसंतबहर

तुझ्या एक एक शब्द जणू 

श्वासात भरे संजिवक लहर

सखी,तू तर झाली ग् माझा

संसाराचा कणखर आधार

शब्दच सापडत नाही मला

कसे मानू मी तुझे आभार!

© प्रा.पुरुषोत्तम पटेल " पुष्प "