©® प्रा.पुरुषोत्तम पटेल " पुष्प "
रे गड्या जगावे तू
सदैव आनंदात
असती जे कामाचे तयांशी
कर तू दोस्ती बिनधास्त ।।१।।
दुनिया ही मतलबी
राहू नको रे तू सुस्त
जाणावा आपुला परका
ओळख ठेव तू रास्त ।।२।।
म्हणती कामापुरता मामा
तयांची नको रे बडदास्त
अप्पलपोटी होऊन
करीती सारे तुझे फस्त ।।३।।
ऐक बोल पुरुषोत्तमाचे
जन्म नव्हे हा स्वस्त
चुकवाया चौ-याशीचा फेरा
प्रभु नाम आळवावे मस्त ।।४।।
©® प्रा.पुरुषोत्तम पटेल " पुष्प "
दिधले मी तुला वचन एक
आयुष्यभराचा जोडीदार
नातं निभविन मी नेक
सखे जाणून आहे ग् मी
नाते स्नेह सौख्य प्रीतिचे
जगेन तुझ्या सवे आनंदें
शब्द एक एक सप्तपदीचे
वाट कितीही असो बिकट
सोडणार नाही तुझी साथ
दुःख संकटे जरी आली
सोबतीने करु त्यावर मात
©® प्रा.पुरुषोत्तम पटेल " पुष्प "
रंगोत्सवावाच्या गर्दित सगळे सारखे दिसतात आपला परका कोण ? ओळखतांना फसतात रंगोत्सव म्हणे लोकांना माझ्याशी करा दोस्ती विसरुन जाल त...
