आई...तुझ्या ममतेचा भुकेला ग् वैकुंठनाथ
कान्हा होऊन जन्मला तो देवकीच्या पोटी
झाला यशोदेच्या कन्हैया अनुसूयेचा श्रीदत्त
कौसल्येचा होऊन श्रीराम प्रकटला जगजेठी
©® प्रा.पुरुषोत्तम पटेल " पुष्प "
विसरुन जातो मी देहभान
गालावरची गोड ती खळी
ओठांवर आणते प्रीतगान
मृगनयनी चंदेरी हे कुंतल
भूरळ घालते मज ती अदा
समजत नाही ग् वेडे मन
झालो ग् तुझ्यावरी फिदा
©प्रा.पुरुषोत्तम पटेल " पुष्प "
मैफिलीत तू गायिलेस ते गीत
गीत अमृतापरी गोड स्वर ते
सखे ते जन्मभरी गाईन ग् मी
मी देतो वचन न विसरणे ते
मधुर मधुर एक एक शब्द
शब्द बसविले हृदयी कोंदणी
सप्त सुरांची सुरावली अविट
अविट झाले जीवन ते ऐकोणी
© प्रा.पुरुषोत्तम पटेल " पुष्प "
रंगोत्सवावाच्या गर्दित सगळे सारखे दिसतात आपला परका कोण ? ओळखतांना फसतात रंगोत्सव म्हणे लोकांना माझ्याशी करा दोस्ती विसरुन जाल त...
