तूच दिसे मज

देवा,तू आहेस फुलात

म्हणून दरवळे परिमळ

गुंततो  फुलात  मी रे  विसरुन भान सारे

देवा तूच आहे पाऊसधारा

म्हणून खुलते वसुंधरा

नयनी भरतो ते चैतन्य,विसरुन भान सारे

देवा,तूच आहे किरणांत

म्हणून पळतो तिमिर

जागते जीवनाची आस विसरुन भान सारे

देवा तूच वाहतो वारा

म्हणून घेतो मी श्वास‌

आळवितो नाम तुझे विसरुन भान सारे

देवा आहेस बिज तू 

म्हणूनच अंकुरे तू  मातीत   

पाहतो अनंतकोटी रुपं विसरुन भान सारे

 

तू बिजात,पानांत,फुलात,जलात

गगनात,श्वासात रज:कणी,वृक्षात

गिरी-कंदरी,पशू पक्ष्यात 

पाहतो  सर्वत्र  तूज मी,विसरुन भान सारे

© प्रा.पुरुषोत्तम पटेल " पुष्प "

    म्हसावद

   भ्रमणध्वनी-९४२१५३०४१२