कुणाच्या प्रेमात कोण?
आपण विचारावे कसे
सवाल ऐकताच येते हो
दुसऱ्याला आपल्यावर हसे !
पुत्र म्हणून...मी आहे हो
आईच्या वात्सल्य प्रेमात
अन् आकंठ बुडालोय मी
प्रिय बाबाचा विश्वासात!
पती म्हणून... पत्नीवर
करतो मी जिवापाड प्रेम
मला वाटते तुमचे माझे
अन् जगभर असेल सेम!
कुटुंब प्रमुख म्हणून तर
सगळ्यांचा मला लळा
चंदनाची शितलता जपून
फुलवितो प्रेमाचा मळा !
©® प्रा.पुरुषोत्तम सुपीबेन म.पटेल "पुष्प"
