अंगाई गीत

अंगाई ✍️

हातांचा करुनी पाळणा

ओढिते ममतेची दोरी

निज निज माझ्या बाळा

गाते तुला मी अंगाई ।।धृ।।

परतुनी आल्या गोठ्यात गाऊ

खोप्यात निजले चिऊ अन् काऊ

सवे खेळाया नाही कोणी

निज निज माझ्या बाळा 

गाते तुला मी अंगाई ।।१।।

नारायण गेला नारायणी

झाले शुभं करोती म्हणोनी

अंगणी झगमगे काजव्यांचा वाती 

निज निज माझ्या बाळा

गाते तुला मी अंगाई ।।२।।

गगनी चांदोबा उगवला 

चांदणं रांगोळी स्वागताला

निद्राराणी आली स्वये तुला जोजवाया

निज निज माझ्या बाळा

गाते मी तुला अंगाई ।।३।।

© प्रा.पुरुषोत्तम पटेल " पुष्प "