कुमुदिनी

जीवन  आहे एक उद्यान

निष्ठेने  करावी   मशागत

उमलतील  मग  पदोपदी

कोमल  पुष्प  शत - शत

सुख म्हणजे काय असते

शिकवते  हो  ही हिरवाई

दुःख   विसरावे  कसे   ते

सांगून  जाते  जाई - जुई

आज उमलले  ते उद्याला

कोमेजणार  आहे   जरुर

अखेरचा  श्वासा  पर्यंतची 

किर्ति  गंध वाटावा भरपूर

दुःख  क्लेश  चिंता समज

तू  गुलाबपुष्पाची पाकळी

काट्यासवे   राहून   सुद्धा 

ती आनंदें  फुलवा उद्यानी

करु  नये आयुष्यात कधी

घरोबा  गर्व  अभिमानाशी

सांगून  जाती पिवळी पर्णे

नाते  जोडताना मृत्तिकेशी

बहरु  द्यावी  हो आनंदवेल

अनुभवा  फुले  ताजेतवाने

भ्रमर  होऊन  कुमुदिनीशी

गुणगुणावे गोड जीवनगाणे 

©® प्रा.पुरुषोत्तम पटेल " पुष्प "