Kaayguru.Marathi

मंगळवार, फेब्रुवारी १५, २०२२

स्वप्नात मी !


पहाटे  पहाटे  अवचित असे घडले
न  कळे मज मी स्वप्न तुझे पाहिले
प्रीतिचा शुक्रतारा जणू चमचमला
तुझ्या  मलमली  मिठीत  मी न्हाले

स्वप्न  ते  अनोखे  विसरु  कसे  मी
सहवास तो  पहिला सांगू कशी मी
उठते  लाट  विरते  सागरात  जशी
बेधुंद  पंचउष:काली  तुझ्यात  मी !

स्वप्नातला  तू  चंद्र मी चकोर तुझी
जिवलगा  विसरु  कशी मी तुजला 
तू पाऊस  पहिला मी चातक तुझी
ये ! स्वप्नकुमारा  हृदयी  घे  मजला

©® प्रा.पुरुषोत्तम पटेल " पुष्प "

८ टिप्पण्या:

Mhasawad.blogspot.com

आईच्या हातचा गाजर हलवा!

आईने  गाजरं  किसली अन् प्रेमाने भिजली आज थंडीच्या पहाटे चुलीवर कढई सजली! साजूक तुपाचा सुगंध जणू घरभर दरवळला किसलेल्या  गाजराचा  ...