चिऊताई
चिऊताई,चिऊताई
कुठे गेली ग् बाई ?
तुला टाकून घास मला
गोड लागतच नाही
सोड रुसवा ऐक विनवणी परत ये ग् बाई
प्रेमळ माझी आई
घास भरवते मला
राखून ठेवते रोज
एक घास तुझाच
जेवायला माझ्याशी तू परत ये ग् बाई
सिमेंटच्या गावात
घरटी मोडून गेली
म्हणून रागावून तू
उडून का दूर झाली
देईन तुला सुंदर घरटे परत ये ग् बाई
पिल्लांना तुझ्या मी
खूप लळा लावीन
तांदळाची कणी
खायला गे घालीन
अंगणात बागडाया तू परत ये ग् बाई
तुझा चिवचिवाट
मला हवासा वाटे
काऊच्या कावकाव
भयकारीच वाटे
आनंदें नाचू आपण तू परत ये ग् बाई
तुझे आणि माझे
जन्मजन्माचे सख्य
जीवापाड जपेन मी
पुरविन सारे लक्ष
गप्पा करु एकमेकी तू परत ये ग् बाई
नको धरु चिऊताई
माणसांची ग् भिती
प्रेमाने जोपासू दोघी
घट्ट मैत्रीची नाती
माणसाला साद द्याया तू परत ये ग् बाई
© प्रा.पुरुषोत्तम पटेल " पुष्प "
अप्रतिम चिऊताई साकारली सरजी ✍️✍️👌👌👌
उत्तर द्याहटवाखुप छान लिहीलय 👌🏼👌🏼
उत्तर द्याहटवागणेश दळवी 🙏🏼
खूपच छान लिहिलं आहे सर 👌👌💐💐
उत्तर द्याहटवाधन्यवाद जी!🙏🙏🙏
उत्तर द्याहटवाअतिशय सुंदर रचना केली सर,खरेच आजकाल
उत्तर द्याहटवाचिमण्या लुप्त होत चालल्या आहेत या सिमेंटच्या जंगलात.
पुढील पिढीला तर बहुतेक पुस्तकातूनच चिमणी
पाहायला मिळेल की काय असे वाटते!👌👌👌👌