भोलेनाथ आलो मी तुझ्या दारी
द्यावे दर्शन तू मज क्षणभरी
हाती त्रिशूल शंख डमरु
जटातून वाहे गंगा भूवरी
गोड रुप असे पाहू दे मदनारी
द्यावे दर्शन तू मज क्षणभरी
सवे कार्तिकस्वामी गणपती
वामांगी तुझ्या पाहीन मी गौरी
स्वारी अशी यावी नंदीवरी
द्यावे दर्शन तू मज क्षणभरी
देवांचा देव तू महादेव
पंचानन तू त्रिनेत्रधारी
कर्पुरगौर कांती करुणावतारी
द्यावे दर्शन तू मज क्षणभरी
तूच तारिले अवघे विश्व
पिऊन हलाहल विष
गळा सर्प निळकंठ त्रिपुरारी
द्यावे दर्शन तू मज क्षणभरी
© प्रा.पुरुषोत्तम पटेल " पुष्प "
महादेव🙏🙏
उत्तर द्याहटवाखुप खुप सुंदर रचना 👌👌✍️✍️🙏🏼
उत्तर द्याहटवाअप्रतिम भक्तीरचना केली सरजी ✍️👌👌👌👌👌
उत्तर द्याहटवासुंदर 👌🙏
उत्तर द्याहटवा