मालक, कितीही येवू द्या...
पाऊस वादळ अन् वारा
आम्ही सर्जा राजा सदा सोबत
येऊ देऊ नका अश्रुधारा
श्वास असेतो तुमच्यासाठी
चिखलात चालू आम्ही वाट
तुमच्यासवे दिवसरात्र राबू
पाहू आपण समृद्धीचा घाट
उन्ह असो वा कडक थंडी
तमा आम्ही बाळगणार नाही
स्वेदगंगेत न्हाऊ दोघे सदैव
शेत फुलवायला बारमाही
जगाचा पोशिंदा म्हणून ...
मालक, जपून ठेवा सत्व
विनंती आहे माझी तुम्हाला
राखा बळीराजा म्हणून अस्तित्व!
©® प्रा.पुरुषोत्तम सुपीबेन म.पटेल "पुष्प"
सातपुडा साहित्य मंच आयोजित
उपक्रम क्र- ६९
विषय - रम्य पहाट !
सूचक - सौ.पुष्पा पी.पटेल " पुष्पम्"
-----------------------------------------------------------
वाट चाले नर नारी
पंच पंच उषःकाळी
भक्ती भावे आळवती
गाऊनिया हो भूपाळी
आले सोडून वेंकुंठ
वृंदावनी वनमाळी
खेळ खेळे राधासंगे
हरी यमुनेच्या जळी
प्राची हसते आकाशी
पहाटेच्या रम्य काळी
प्राजक्ताचा गंध दाटे
शांत शांत तरुतळी
रवि किरणांचे कुंकू
शोभे अवनिच्या भाळी
पहा पाखरं निघाली
उंच प्रसन्न सकाळी
©® प्रा.पुरुषोत्तम सुपीबेन म.पटेल "पुष्प"
रंगोत्सवावाच्या गर्दित सगळे सारखे दिसतात आपला परका कोण ? ओळखतांना फसतात रंगोत्सव म्हणे लोकांना माझ्याशी करा दोस्ती विसरुन जाल त...
