गणराया कृपा तुझी लाभू दे
दुःखहर्ता चरण तुझे पाहू दे
जन्मोजन्मी असावा तू सांगाती
देवा,एवढेच माझे हे मागणे !
देवा दर्शन घडो नित्य तुझे
ओठी गुणगुणू दे तुझे गाणे
जेथे जातो तेथे तू रहा सांगाती
देवा,एवढेच माझे हे मागणे !
रुप तुझे सदैव राहो डोळा
मुखी असू दे नाम आळवणे
दुःख संकटी तू व्हावा सांगाती
देवा,एवढेच माझे हे मागणे !
गर्व न निपजो दे सद्बुद्धी
मनमंदिरी व्हावे सदैव येणे
नको दुरावा तुझ्या माझ्यात
देवा,एवढेच माझे हे मागणे !
©® प्रा.पुरुषोत्तम सुपीबेन म.पटेल " पुष्प ”
कोणत्याही टिप्पण्या नाहीत:
टिप्पणी पोस्ट करा