बुधवार, ऑक्टोबर १५, २०२५
शनिवार, ऑक्टोबर ०४, २०२५
रम्य पहाट!
सातपुडा साहित्य मंच आयोजित
उपक्रम क्र- ६९
विषय - रम्य पहाट !
सूचक - सौ.पुष्पा पी.पटेल " पुष्पम्"
-----------------------------------------------------------
वाट चाले नर नारी
पंच पंच उषःकाळी
भक्ती भावे आळवती
गाऊनिया हो भूपाळी
आले सोडून वेंकुंठ
वृंदावनी वनमाळी
खेळ खेळे राधासंगे
हरी यमुनेच्या जळी
प्राची हसते आकाशी
पहाटेच्या रम्य काळी
प्राजक्ताचा गंध दाटे
शांत शांत तरुतळी
रवि किरणांचे कुंकू
शोभे अवनिच्या भाळी
पहा पाखरं निघाली
उंच प्रसन्न सकाळी
©® प्रा.पुरुषोत्तम सुपीबेन म.पटेल "पुष्प"
रविवार, सप्टेंबर १४, २०२५
लोकं काय म्हणतील?
सातपुडा साहित्य मंच आयोजित उपक्रम क्र. ५७
विषय- लोकं काय म्हणतील?
सूचक- सौ.राजश्री जाधव,पुणे
दि.१४/०९/२०२५
-----------------------------------------------------------
लोकं काय म्हणतील?[कविता]
लोकं काय म्हणतील
मला नाही घेणं देणं
सखे,मी फक्त जाणतो
आपलं प्रेम निभवणं!
सखे,तुझं सोबत येणं
माझ्यासाठी परिसस्पर्श
तुझ्या एक एक शब्द
जगण्याला देतो हर्ष!
सखे,तू गंध फुलांचा
करिते प्रसन्न तन मन
नको घाबरु ग् जगाला
तू राधा मी मनमोहन
सखे,मी तुझ्या प्राजक्त
तू तर माझी चाफेकळी
सखे, मिठीत ये ना तू
चांदण्यात या तरुतळी
©® प्रा.पुरुषोत्तम सुपीबेंन म.पटेल " पुष्प "
बुधवार, ऑगस्ट २७, २०२५
देवा,एक हे मागणे!
गणराया कृपा तुझी लाभू दे
दुःखहर्ता चरण तुझे पाहू दे
जन्मोजन्मी असावा तू सांगाती
देवा,एवढेच माझे हे मागणे !
देवा दर्शन घडो नित्य तुझे
ओठी गुणगुणू दे तुझे गाणे
जेथे जातो तेथे तू रहा सांगाती
देवा,एवढेच माझे हे मागणे !
रुप तुझे सदैव राहो डोळा
मुखी असू दे नाम आळवणे
दुःख संकटी तू व्हावा सांगाती
देवा,एवढेच माझे हे मागणे !
गर्व न निपजो दे सद्बुद्धी
मनमंदिरी व्हावे सदैव येणे
नको दुरावा तुझ्या माझ्यात
देवा,एवढेच माझे हे मागणे !
©® प्रा.पुरुषोत्तम सुपीबेन म.पटेल " पुष्प ”
मंगळवार, ऑगस्ट २६, २०२५
ओल्या सांजवेळी
ओल्या या सांजवेळी
नको राहू तू दूर
तू नसता जवळी
मनी दाटते काहूर
ओल्या या सांजवेळी
भेटीस झाले आतूर
सख्या आळवू आपण
प्रीतीचे मधुर सुर
ओल्या या सांजवेळी
यावा मिलनाचा पूर
तुझ्या मिठीत येता
वदनी हर्षाचा नूर
©® प्रा.पुरुषोत्तम सुपीबेन म.पटेल " पुष्प "
याची सदस्यत्व घ्या:
पोस्ट (Atom)
Mhasawad.blogspot.com
रंगोत्सव सांगे लोका !
रंगोत्सवावाच्या गर्दित सगळे सारखे दिसतात आपला परका कोण ? ओळखतांना फसतात रंगोत्सव म्हणे लोकांना माझ्याशी करा दोस्ती विसरुन जाल त...
-
तंबाखू टाळा, आरोग्य सांभाळा ! मानवी जन्म आणि मिळालेला हा देह आपण प्रत्येकाने सार्थकी लावलाच पाहिजे. परंतु सध्याचा परिस्थितीचा विचार करता म्...
-
म्हसावद, ता.शहादा येथील कुबेर हायस्कूल व उच्च माध्यमिक विद्यालय या विद्यामंदिर विषयी कविता माझी शाळा माझी शाळा लळा लाविते बाळा उपदेशाचा ... -
भारतीय संस्कृतीचे एक प्रमुख वैशिष्ट्य म्हणजे गुरुबद्दल आदर भावना प्रकट करणे होय. " गुरुर्ब्रह्मा गुरुर्विष्णु: गुरुर्देवो महेश्व... -
देवा... माझा एकेक श्वास तू दिलेली अप्रतिम भेट ! कृतज्ञ मी जपीन हृदयात गाईन तुझे अमृतगाणे थेट! देवा...चालतो मी त... -
सखी पहाटेच्या त्या दवाने... तन-मन ग् भिजते प्रेमकिरणात न्हाऊनी मुखकमल तुझे फूलते कळी खुलता प्रीतिची हृदय पुष्प दरवळते फुलपाखरू... -
विठ्ठल माझा गाव विठ्ठल माझा भाव । हृदयी विराजे विठ्ठल माझा ।। विठ्ठल माझा देव विठ्ठल माझी ठेव । अंतरीची तळमळ विठ्ठल माझा ।। विठ्... -
देवा,तू आहेस फुलात म्हणून दरवळे परिमळ गुंततो फुलात मी रे विसरुन भान सारे देवा तूच आहे पाऊसधारा म्हणून खुलते वसुंधरा नयनी भरतो... -
क्या कहूॅं मैं। कॉलेज के वो दिन। युग जैसा लगता था। इक दिन तुम बीन। क्या कहूॅं मैं। कॉलेज की वो मौजमस्ती। आप और मैं थे। प... -
वर्ष २०२४ मधील पुण्यपावन श्रावण मास… श्रावणसरी अंगावर बरसु लागल्या की, मला बालकवी त्र्यंबक बापुजी ठोमरे यांच्या सिद्धहस्त ...
-
राष्ट्रीय गृहीणी दिवस मित्र मैत्रिणींनो आज ३ नोव्हेंबरचा दिवस. हा दिवस आपण भारतीय नागरिक " राष्ट्रीय गृहिणी दिवस " ...
