दिवाळी

भाद्रपद  सरला आश्विन आला

गेली गौराई आपुल्या सासुराला

आश्विन  पंधरवडा   देतो  हाळी

आली  दिवाळी  आली दिवाळी

आम्रपर्णी  तोरण  बांधिले दारी

शेणसडा  टाकीला  मी  अंगणी

रेखाटली त्यावरी सुबक रांगोळी

आली दिवाळी  आली  दिवाळी 

सांजवेळीच्या   सुवर्ण    पणती

लखलख  करिती  लक्ष  ज्योती

चंदेरी  प्रकाश  काळोख  जाळी

आली दिवाळी  आली  दिवाळी

लाडू   करंज्या   आणि   सांजरी

चकली  सुवास  दरवळे घरोघरी

तेला   तुपात   नाचे  शंकरपाळी

आली  दिवाळी  आली  दिवाळी

आरोग्य   देवता   धन्वंतरी   सवे

लक्ष्मी   कुबेर  येतील  घरमंदीरी

गातो पाडवा प्रातःकाळी भूपाळी

आली  दिवाळी   आली  दिवाळी

भाऊ येईल मज न्याया माहेराला

येता  भाऊबीज    पावन  पर्वाला

औक्षण करीन टिळा लाविन भाळी

आली  दिवाळी   आली  दिवाळी

© प्रा.पुरुषोत्तम पटेल " पुष्प "

धनत्रयोदशी

                ✍️ धनत्रयोदशी 🪔🙏

दिवाळी सण-उत्सवातील धनत्रयोदशी म्हणजे आश्विन पंधरवड्यातील तेरावा दिवस.आश्विन महिन्यातील दुस-या पंधरवड्यातील आश्विन ।। कृ।। त्रयोदशीचा हा मंगलमय दिवस.

" धनत्रयोदशी " या शब्दांत सहा अक्षरे आहेत.प्रत्येक अक्षर एक नैतिक मूल्य शिकवून जाते.या दिवसाचे शब्दमय पावन महत्व ✍️ 

✒️ध - धर्माचरण ( धर्माने आचरण करणे )

✒️न - नम्राचरण ( विनम्रतेने वागणे )

✒️त्र - त्रपाचरण ( ऋग्वेद, यजुर्वेद,

             सामवेदानुसार आचरण करणे.)

✒️यो - योगाचरण ( आठ नियम व त्यातील

             " योग " नियमाचे पालन)

✒️ द - दयाचरण. ( सर्वांभूती दयाभाव राखणे )

✒️शी - शीताचरण ( शांत राहणे व क्रोध न करणे.)

© प्रा.पुरुषोत्तम पटेल " पुष्प "

दिपावली

ही दिपावली आपणास सुखाची, समाधानाची,

समृद्धीची,आनंदाची, भरभराटीची,व समस्त

इच्छापूर्तीचा आनंद देणारी ठरो!ही शुभेच्छा!

🪔🪔🪔🪔🪔🎇🎆🪔🪔🪔🪔🪔

     दिपावली (कविता)

महालक्ष्मी देवी मी नमितो

आद्य वंदन चरणी तुजला 

लावितो दिपावली ज्योती

आई !आशिष दे तू मजला ।।१।।

पसरु   दे अखिल संसारी 

लखलख     चंदेरी आनंद

विश्वाचे   दुःख दूर कराया

मनी लागू दे छंद मजला ।।२।।

महालक्ष्मी देवी मी नमितो

...आई, आशिष दे मजला

दे   सद्बुद्धी   जळो  क्लेश

मनामनात  जुळू  दे नाते !

दुष्प्रवृत्ती, दृष्टभाव  हरोनी

नीति,सूमती किर्ती सकला।।३।।

महालक्ष्मी देवी मी नमितो

...आई, आशिष दे मजला

© प्रा.पुरुषोत्तम पटेल " पुष्प "

कोऽऽजागर्ती

कोऽऽजागर्ती कोऽऽजागर्ती

बोलत येईल लक्ष्मी भेटीला

सुख समृद्धी अन् आरोग्य

देईल हो आपुल्या भक्ताला

बंधुराज चंद्र आज उधळी

अमृत किरणांची गोळी

गौदुग्धी आपुले रुप दावूनी

मानवा देई संजीवक हाळी

समस्त वाचकांना " कोजागिरी " 

पौर्णिमेच्याा अमृतमय मन:पूर्वक

हार्दिक शुभेच्छा!🌹🙏🙏🙏

© प्रा.पुरुषोत्तम पटेल " पुष्प "