* माझे तोरणमाळ *
सप्तशिखरांची माळा
तयात गिरी तोरणमाळ
भासे स्वर्गसुखाचा मळा १
माझ्या तोरणमाळची माती
देते इतिहासाची साक्ष
नांदला पांडवांचा वाली
राजा इथे नाव तयाचे युवनाश्व २
वळणावळणाची बिकट
जाता येता खुणावतो
सुंदर सात पायरीचा घाट ३
माझ्या तोरणमाळची भूमी
अहो किती पावन पावन
माय मांडीवर विसावले
पार्श्वनाथ आणि नागार्जून ४
माझ्या तोरणमाळची कथा
गातो व्यास न् कालिदास
धन्य धन्य या भूमिसी
सहस्रदा नमवितो मी शिष ५
माझ्या तोरणमाळवर फिदा
आषाढ - श्रावण घननीळा
संगे घेऊनिया येतो
फूल फूलपाखरांचा मेळा ६
निसर्गराजाचे वरदान
साग पळस बांबूच्या वनी
खग गाती मंजूळ गाणं ७
माझ्या तोरणमाळच्या रक्षणा
दोन पुण्यकन्या खास
गिरीशिखरी एक तोरणाई
दूजी सिताखाई निवास ८
इंद्रलोकीचे सौंदर्य आगळे ९
माझ्या तोरणमाळच्या अधरी
पद्माचे मोहक दल उले
ईको-पाॅईडशी बोलता
निनाद तिनदा उसळे १०
माझ्या तोरणमाळ येऊनी
पहा खडकी पाॅईंट
घे रे ...! डोळा साठवून
भूदेवीच्या स्वर्गीय थाट ११
माझ्या तोरणमाळच्या भूवरी
उभा ईश् गोरक्षनाथ
महाशिवरात्रीच्या रात्री
त्यांसी भेटे कैलासनाथ १२
तोरणमाळची होळी पहा खरोखरी
ढोल दणाणतो मनोहारी
शिबलीनृत्य गेरनृत्यात बेधुंद
बिरि-बासरी संगे नर नारी १३
वनौषधी कितीऽऽतरी
अमृतकुंभ धरूनिया हाती
येथे उभा भासे हो धन्वंतरी १४
माझ्या तोरणमाळच्या भूवरी
गमते घरं कौलारू
गर्द हिरव्या रानात जणू
हिंडतो सम्राटाचा वारू १५
माझ्या तोरणमाळच्या वनराई
गातो नि रमतो वनपिंगळा
लाविला या एका खगाने
अख्खा जगताला लळा १६
माझ्या तोरणमाळच्या आभाळी
सूर्यदेव रोज येतो हो... मस्त
डोळियासी नवनवे दिसे
सूर्योदय अन् सूर्यास्त १७
ये रे दोस्ता ... एकदा तू !
पहा कीऽ माझे तोरणमाळ
तू ह्रदयी घे रे साठवून
प्रेम जिव्हाळा सकळ १८
कवी :-
प्रा.पुरूषोत्तम पटेल, मु.पो.म्हसावद
ता.शहादा,जि.नंदुरबार, 425432
भ्रमणध्वनी - 8421498724
Blog-mhasawad. blogspot. In
patelpm31@gmail.com
