ऐका सांगतो मी गोष्ट छान !
रणरणत्या उन्हात देते सकला
गार गार शितल हवेचे दान !
येता नववर्ष उत्सव गुढीपाडवा
फुलते चैत्रपालवीने पान न् पान
चांदणफुलाचा दशदिशा सुगंध
जणू धरित्रीला देतो श्वासाचे दान!
अंगणात लावलेल्या कडुनिंबाची
ऐका सांगतो मी गोष्ट छान !
सकाळी घ्यावीत अनशापोटी
तोंडात चघळायला पानं चार !
रक्तशर्करा ठेवी ते नियंत्रणात
आरोग्य लाभे व्याधीं होई हैराण
अंगणात लावलेल्या कडुनिंबाची
ऐका सांगतो मी गोष्ट छान !
केसात होता कोंडा अन् खाज
दूर करायला टाळुचे संक्रमण
वैद्यकीय सल्ल्याने घेत रहावे
नित्य सकाळी कडुनिंबाचे पान !
अंगणात लावलेल्या कडुनिंबाची
ऐका सांगतो मी गोष्ट छान !
©® प्रा.पुरुषोत्तम सुपीबेन म.पटेल " पुष्प "
कोणत्याही टिप्पण्या नाहीत:
टिप्पणी पोस्ट करा