माझे जगणे
प्रवाहाबरोबर चाललो वाहवत गेलो नाही कधी
पाणी डबक्यातील जसे झालो नाही कधी
कर्तृत्वाला मोजला घाम जगलो जीवन साधे
कमविले स्वाभिमाने आभार मानले नाही कधी
झाल्या उरी वेदना तरी मारली ना खोटी फुंकर
तत्वांशी फितूर होऊन सलाम केला नाही कधी
दररोज अनुभवले कित्येकांचे लांगेबांधे
शब्दांना जागलो शब्द बदलले नाही कधी
आयुष्यात ठेचाळून रक्ताळलो कितीदा तरी
आधारासाठी हातभर दाढी धरलीच नाही कधी
मोडेन पण वाकणार नाही बदलला ना मंत्र
काळासंगे बदललो भूतकाळ विसरलो ना कधी
© प्रा.पुरूषोत्तम पटेल,
मुं.पो.म्हसावद
