आले अपयश जरी
खचून नका जाऊ
करा प्रयत्न पुन्हा पुन्हा
नक्की यशस्वी होऊ
अपयशातून यशाची
घडते पहिली कृती
म्हणती थोर विभूती
हिच तर खरी उक्ती
अपयश आले म्हणूनी
संपवू नको जीवन
ठेवा जिंकायचा ध्यास
शिखर बघाया शिका
अपयश पचवायला
काळीज ठेवा वाघाचे
दडले त्यात रहस्य
यशाकडे जाणाऱ्या श्रेयाचे
अपयश तर शिकवी
नवे ज्ञान क्षणोक्षणी
अशाच अनंत वेड्यांची
इतिहास सांगतो कहाणी
©प्रा.पुरुषोत्तम पटेल " पुष्प "
