आईवडील
---------------------------------------------------------
.... मध्यमवर्गीय घरातील एक मुलगा १० वीच्या परीक्षेत ९०% गुण मिळवून उत्तीर्ण झाला. वडील खुषीने गुणपत्रिका न्याहाळत आपल्या पत्नीला म्हणाले,
अग... आज छान गोड धोड बनव! तुझ्या लाडक्याला ९०% गुण मिळालेत शालांत परीक्षेत..!आई स्वयंपाकघरातून आनंदाने पळत पळत येत म्हणाली, "होय का? .. बघुया मला दाखवा...!
... मुलगा पटकन बोलला ..." बाबा तिला कुठे रीझल्ट दाखवताय ?... तिला काय लिहता वाचता येते का ? अशिक्षित आहे ती...!" मुलाचे शब्द ऐकताच,
भरल्या डोळ्याने पदर पुसत आई स्वयंपाक घरात निघुन गेली.
ही गोष्ट वडिलांना लगेच लक्षात आली...! मुलाला कळू न देता ते मुलाच्या संवादात भर टाकून म्हणाले... " हो रे ! ते पण खरच आहे म्हणा...! "
... तू पोटात असताना तिला दूध अजिबातच आवडत नसताना तू सुदृढ जन्माला यावास म्हणून नऊ महीने ती रोज दूध पित होती...
अशिक्षित होती ना...
तुला सकाळी सात वाजता शाळेत जावं लागायच म्हणून स्वतः सकाळी पाच वाजता उठुन तुझ्या आवडीचा नाष्ता आणि डबा बनवायची.....
अशिक्षित होती ना...
तू रात्री अभ्यास करता करता झोपून जायचा, तेव्हा ती स्वतः जागत राहायची. तुझी वह्या पुस्तक बरोबर भरुन आणि तुझ्या अंगावर पांघरुन टाकून नंतरच झोपायची...!
अशिक्षित होती ना...
तू लहानपणी बहुतेकवेळा आजारी असायचास... तेव्हा रात्र-रात्र जागुन ती परत सकाळी तिची कामं चोख करायची....!
अशिक्षित होती ना...
तुला ब्रॅन्डेड कपडे घेऊन द्या म्हणून माझ्या मागे लागायची. आणि स्वतः मात्र जुन्या साड्या व कपड्यांवर वर्षे चालवायची...!
अशिक्षित होती ना....
बाळा.... चांगली शिकलेले लोकं आधी स्वतःचा स्वार्थ आणि मतलब बघतात.. पण तुझ्या आईने आजवर कधीच तो बघितला नाही...!
अशिक्षित आहे ना ती...
ती जेवण बनवुन आपल्याला गरम गरम वाढता वाढता कधी कधी स्वतः जेवायला विसरुन जायची... म्हणून मी अभिमानाने सांगतो की, ' तुझी आई अशिक्षित आहे...! '
हे सगळ ऐकुन मुलाला अश्रु आवरता येईना. तो रडत रडत आईला बिलगुन बोलला, "आई मी तर फक्त पेपरवर ९०% मार्क मिळवलेत. पण माझ्या आयुष्याला १००% बनवणारी तू पहिली शिक्षिका आहेस. आणि जी मूलं ९०% मार्क मिळवतात.. त्या शिक्षकांकडे किती ज्ञान असेल ह्याचा मी कधी विचार केलाच नाही. आई आज मला ९०% मार्क्स मिळवुन पण मी अशिक्षित आहे.
... आणि तुझ्याकडे जगात शोधूनही सापडणार नाही अशी सर्वोत्तम, सर्वोच्च आणि विद्यापिठापलीकडची वरची Degree आहे. कारण मी आज माझ्या आईच्या रुपात डॉक्टर, शिक्षक, वकिल, माझे कपडे शिवणारी, माझ्या जगण्याला सुयोग्य आकार देणारी ह्या सगळ्यांच दर्शन घेतलंय......!
*बोध:*
.... प्रत्येक मुला- मुलीनी जे आईवडिलांचा अपमान करतात, पाणउतारा करतात, शुल्लक कारणावरुन रागवतात. त्यांनी विचार करावा.
त्यांच्यासाठी काय काय सोसलय आईवडिलांनी हा विचार नक्कीच करा.
-प्रा.पुरूषोत्तम पटेल
म्हसावद ता.शहादा
कोणत्याही टिप्पण्‍या नाहीत:
टिप्पणी पोस्ट करा