रक्षाबंधन

रक्षा सूत्र बांधते तव हाती

औक्षण  करिते भाऊराया

विजयोस्तू  भव  तू  सदा!

अबाधित राहो  प्रेम माया

धागा एक हा रेशमाचा

आत स्नेह जिव्हाळाचे झरे 

दारी लखलख चंद्र सूर्य तारे

लाभो तुज प्रभूकृपेची छाया

सासरच्या परसात फुलवेन

मी प्राजक्ताची शुभ्र फुले

वा-यासवे धाडीन सुखगंध तुले 

आनंदे यावे तू मज भेटाया

जीवनात कधी न होवो

तुज षढ्रीपुंच्या विषारी स्पर्श

अंगणी नांदो गोकुळाचा हर्ष 

संकटात द्यावी कृष्णाची माया

©® प्रा.पुरुषोत्तम पटेल 

" पुष्प "

लव्ह स्टोरी [ भूलोळी]

अपनी है लव्ह स्टोरी

सात आश्चर्यापैंकीची एक

प्यार करनेवाले देते मिसाल

शरिर दोन आत्मा एक वचन नेक

©® प्रा.पुरुषोत्तम पटेल " पुष्प "

सांजवेळ

सांजवेळ

ही ओली सांजवेळ

तू जाऊ नकोस दूर

का  हे पेटले मनात

आज कळेना काहूर

गेला निघून सूर्यदेव

मिठीत  घेई प्रतीची

सख्या ये शांतवाया

ही   भेटीची   हुरहूर

डोळ्याच्या नंदादिपी

प्रीतिचा केल्या वाती

ये ! मालवून टाक तू

होऊ  मिलनात चूर !

©® प्रा.पुरुषोत्तम पटेल 

" पुष्प "

तू जिथे तिथे मी !

तू जिथे तिथे मी!

प्रिये,  तुझे   अन्   माझे 

वेगळे नाहीच ग् काही असे

तू जिथे तिथे मी आहेच!

शरिरं दोन आत्मा एकच वसे 

आपली फक्त दोन शरिरं 

तरी...तुझं माझं नाही अलग

एक श्वास तुझा एक माझा

एकमेकांना देवू जगू सलग ! 

प्रिये,तू पुष्परिणी मी जलतळे

मी चंद्र नभीचा तू शुक्रतारा

तू अधीर मन मी क्षण प्रीतिचा 

तू आस मिलनाची मी उनाड वारा

प्रिये,तू जल मी मासा ना वेगळे 

तुझ्याविना जीव हा तळमळे

प्रार्थना श्री विघ्नहर्ता चरणी 

आयुष्य सोबती जगू दे सगळे!🙏 

©® प्रा.पुरुषोत्तम पटेल " पुष्प "

देवा तुझा छंद

देवा तुझा छंद   । लागला रे मला।
तुझा विना काही । आवडेना ।।१।।
सावळी ती कांती । पाहतो मी नित्य।
गातो गोड नाम  ।  आवडीने ।।२।।
चतुर्भूज मूर्ती  ।  भाळी गंध टिळा ।
छंद लागे जीवा । डोळीयासी ।।३।।
कर कटेवरी  ।  उभा विटेवरी ।
पंढरी नगरी  । पांडुरंग ।।४।।
चंद्रभागा तिरी । मेळा वैष्णवांचा ।
किर्तनात रंगे । जगजेठी ।।५।।
भक्त भेटी लागी । वेडावला हरी।
वाट पाही कांता । उभी दारी ।।६।।

©® प्रा.पुरुषोत्तम पटेल " पुष्प "