तू जिथे तिथे मी !

तू जिथे तिथे मी!

प्रिये,  तुझे   अन्   माझे 

वेगळे नाहीच ग् काही असे

तू जिथे तिथे मी आहेच!

शरिरं दोन आत्मा एकच वसे 

आपली फक्त दोन शरिरं 

तरी...तुझं माझं नाही अलग

एक श्वास तुझा एक माझा

एकमेकांना देवू जगू सलग ! 

प्रिये,तू पुष्परिणी मी जलतळे

मी चंद्र नभीचा तू शुक्रतारा

तू अधीर मन मी क्षण प्रीतिचा 

तू आस मिलनाची मी उनाड वारा

प्रिये,तू जल मी मासा ना वेगळे 

तुझ्याविना जीव हा तळमळे

प्रार्थना श्री विघ्नहर्ता चरणी 

आयुष्य सोबती जगू दे सगळे!🙏 

©® प्रा.पुरुषोत्तम पटेल " पुष्प "