माझ्या गावाचे रहस्य
केवळ मीच हो जाणतो
येणा-या प्रत्येक व्यक्तीला
अतिथि देवो मानतो !
माझ्या गावाचे रहस्य
फक्त मीच रे जाणतो
सर्वधर्म जाती पंथ भाषा
गुण्यागोविंदाने हो नांदतो
माझ्या गावाचे रहस्य
मलाच आहे की ठाव !
सासु - सुना एकमेकींना
आई-लेकी मानतात राव!
माझ्या गावाचे रहस्य
आहे वळणावळणाची वाट
पण, घराघरात पाहशील !
सुसंगती सुसंस्कारी थाट
माझ्या गावाला येता वाटे
करावी सगळ्यांशी दोस्ती
आबालवृद्ध सगळे नरनारी
संकट येता एकमेका हात देती
तुला वाट्टेल नवल
ऐकता माझ्या गावाचे रहस्य
ना ठावे दुःख क्लेश राग लोभ
सर्वामुखी प्रसन्न हास्य!
©® प्रा.पुरुषोत्तम पटेल " पुष्प "
गोड गाव
उत्तर द्याहटवासुंदर रचना 👌
उत्तर द्याहटवाखूप सुंदर रचना..👍👌✍️
उत्तर द्याहटवाखूपच छान!
उत्तर द्याहटवाखूपच सुंदर रचना सरजी .👌👌
उत्तर द्याहटवा