नामकरण

प्रिये ये ना तू जवळी
अशी लांब नको जाऊ
तुझ्या माझ्या प्रेमाला
मधूर नाव आपण देऊ!

प्रीतिचे विश्वनिर्माते
विसरता येत नाही कधी
राधाकृष्ण नलदमयंती
स्मरण करु तयांचे आधी

प्रेम करावे मेघासारखे
जगून गेली मिरा दिवाणी
शिरी-फरहाद लैला-मजनू
हिर-रांझा बाजीराव-मस्तानी

आपल्याही निकोप प्रीतिचे
आपणही करु बिजारोपण
उगवेल तरु निस्सीम समर्पणाचे
दुनिया करेल त्याचे नामकरण!

©® प्रा.पुरुषोत्तम पटेल " पुष्प "