प्यारी तुझी माझी यारी
दोस्ता रेऽ जगावेगळी
प्यारीराहो अशीच टिकून
यथा तथा सर्वकाळी ।।१।।
एक सिनेमा आपण
बघायचो एकेकटे !
अर्ध्या अर्ध्या सिनेमाची
दोन मिळून तिकिटे ।।२।।
झाला सिनेमा पाहून
सांगायचे दोघे स्टोरी
आहे की नाही आमची
गोष्ट अशी लई भारी ।।३।।
मित्रा तुझ्या रे प्रेमाची
तोड नाही रे या जगी
भेट तुझी माझी होता
जणू आनंदाची सुगी ।।४।।
यारी तुझी अन् माझी
राहो टिकून अभंग
देवा जन्मोजन्मी लाभो
आम्हा मित्रसख्य संग ।।५।।
एक मागणे मागतो
सुखेनैव राहो यारी
यावी कधी न कटुता
बुद्धी दे कृष्णमुरारी ।।६।।
©® प्रा.पुरुषोत्तम पटेल " पुष्प "
कोणत्याही टिप्पण्या नाहीत:
टिप्पणी पोस्ट करा