◽एक छोटीशी... पण हृदयस्पर्शी गोष्ट◽
एका जन्मदात्याने अापल्या मुलाचे खूप चांगल्या प्रकारे संगोपन केले. खूप चांगल्या प्रकारे त्याचे शिक्षण केले... जेणेकरून मुलाच्या सर्व इच्छा आकांक्षा पूर्ण होण्यास मदत होईल.......!
.... काही काळानंतर मुलगा एक कर्तबगार यशस्वी व्यक्ती बनला,...एका मल्टी नॅशनल कंपनीचा सी.ई.ओ. झाला. उच्च पद ,भरपूर वेतन, सगळ्या सुख सुविधा त्याला कंपनीकडून प्रदान करण्यात आल्या.
आई-वडीलांनी चांगली मुलगी पाहून एके दिवशी असाच त्याचा विवाह एका चांगल्या मुलीशी लावून दिला. त्यांना मुलंही झाली. घरात गोकूळ फुलले. आता त्यांचा एक सुखी परिवार बनला.
'कालाय तस्मै नमः।।' वडील म्हातारे होत चालले होते. एक दिवस वडीलांना आपल्या मुलाला प्रत्यक्ष नोकरीच्या ठिकाणी भेटायची इच्छा झाली.. आणि ते मुलाला भेटायला त्याचा कार्यालयात गेले. त्यांनी बघितलं की मुलगा एका मोठ्या व शानदार कंपनीचा अधिकारी बनलाय. त्याचा कार्यालयात हजारो कर्मचारी त्याचा शब्दाचा आदर करीत काम करत आहेत. हे सगळं बघून वडीलांची छाती अभिमानानं फुलली !
... म्हातारे वडील मुलाच्या कॅबिन मध्ये गेले. व त्याच्या खांद्यावर हात ठेवून उभे राहीले. आणि प्रेमानं त्यांनी आपल्या मुलाला विचारलं की..... " पोरा, या जगात सगळ्यात शक्तिशाली व्यक्ती कोण आहे ? "
मुलगा स्मित हास्य करत, आत्मविश्वासाने म्हणाला. "माझ्याशिवाय कोण असू शकतं बाबा ?"
वडीलांना त्याचाकडून ह्या उत्तराची अपेक्षा नव्हती. त्यांना विश्वास होता की, त्यांचा मुलगा गर्वाने म्हणेल की,
" बाबा, ह्या जगातील सर्वात शक्तिशाली व्यक्ती तुम्हीच आहात. ज्यांनी मला एवढ्या योग्यतेचं बनवलं ! " पण मनाविरुद्ध घडलं.
या विचाराने त्यांचे डोळे भरून आले. ते कॅबिनचा दरवाजा ढकलून बाहेर निघायला लागले. पण न राहून त्यांनी परत एकदा वळून मुलाला विचारलं की,एकदा परत सांग ! " या जगात सगळ्यात शक्तिशाली व्यक्ती कोण आहे ? "
मुलगा ह्या वेळेस म्हणाला की... " बाबा, फक्त तुम्हीच आहात ह्या जगातील सर्वात शक्तिशाली व्यक्ती ! " वडील हे ऐकून आश्चर्यचकित झाले.....
ते म्हणाले,अरे बाळा, आताच तर तू स्वतःला जगातला सगळ्यात शक्तिशाली व्यक्ती म्हणत होतास....! आणि आता तू मला शक्तिशाली व्यक्ती म्हणून सांगतो आहेस ? "
मुलाने हसतच त्यांना आपल्या समोर बसवले आणि म्हणाला, "बाबा, त्यावेळी तुमचा हात माझ्या खांद्यावर होता.
ज्या मुलाच्या किंवा मुलीच्या खांद्यावर किंवा डोक्यावर वडीलांचा हात असेल. तर तो मुलगा/मुलगी जगातील सर्वात शक्तिशाली व्यक्तीच असेल ना ? हो की नाही बाबा ! " मुलाचे हे सुसभ्य वर्तन व नैतिकता पाहून वडीलांचे डोळे परत एकदा भरून आले.आनंदाश्रूंनी !!! त्यांनी आपल्या मुलाला घट्ट छातीशी धरून करकचून मिठी मारली."....
खरंच आहे की, ज्याच्या खांद्यावर किंवा डोक्यावर वडीलांचा हात असेल....ती व्यक्ती जगातील सर्वात शक्तिशाली व्यक्ती असते.
आपले यश व संपन्नता आणि सुसंस्कार पाहूनच "आई-वडील " आपल्या मुला-मुलींवर ; प्रगतीवर खुश असतात...........! ✒
🙏जय श्री चिंतेश्वर महादेव 🙏
कोणत्याही टिप्पण्‍या नाहीत:
टिप्पणी पोस्ट करा