विठू तुझे नाम वाटे मज भारी
जगी फक्त चाले देवा तुझी वारी
भुवरीचा स्वर्ग देवा तुझी पंढरी
जय जय विठ्ठल जय हरी !
विठू नाम घेता टळे जन्म फेरी
तुच मुक्ती दाता त्रिखंडात तारी
भुवरीचा स्वर्ग देवा तुझी पंढरी
जय जय विठ्ठल जय हरी !
तुझ्या सेवेपायी मिळे मुक्ती चारी
तुच माझा अंतरी तुच रे वैखरी
भुवरीचा स्वर्ग देवा तुझी पंढरी
जय जय विठ्ठल जय हरी !
आलो तुझ्या द्वारी दर्शन दे क्षणभरी
विठू पितांबरधारी जीव तू उद्धारी
भुवरीचा स्वर्ग देवा तुझी पंढरी
जय जय विठ्ठल जय हरी !
©® प्रा.पुरुषोत्तम पटेल “पुष्प ”
कोणत्याही टिप्पण्या नाहीत:
टिप्पणी पोस्ट करा