माय मराठी

आज जागतिक राजभाषा मराठी दिवस 

( दि.२७ फेब्रुवारी)

निमित्त माझी मातृभाषा माय मराठीची 

थोरवी गाणारी 

🙏🙏🙏🌹कविता…!🌹🙏🙏🙏

माझी माय मराठी 

मराठी  माझी  माय  तीची   प्रेमळ काया

रंग  जिव्हाळ्याचा  अन्  प्रीतिची  छाया

बारा  स्वर तिला भासे  बारा ज्योतिर्लिंग

वर्ण  अठ्ठेचाळीस   भासे    शारदेचे  अंग 

काना   मात्रा - हस्व  दिर्घ उकार वेलांटी

माझा  मायमराठीची वाटे जणू दुध वाटी

श्वासात असे तो श्वास गाईन तुझी गाणी

शब्दसुमन वाहतो आई आज तव चरणी 

©® प्रा.पुरुषोत्तम पटेल " पुष्प "

आयुष्याच्या जोडीदार

प्रिये हाती घेऊन हात तुझा

दिधले  मी तुला  वचन एक
आयुष्यभराचा    जोडीदार
नातं    निभविन   मी  नेक

सखे    जाणून आहे  ग् मी
नाते   स्नेह  सौख्य प्रीतिचे
जगेन  तुझ्या  सवे   आनंदें
शब्द  एक  एक सप्तपदीचे

वाट  कितीही  असो बिकट
सोडणार  नाही  तुझी साथ
दुःख  संकटे   जरी   आली
सोबतीने  करु  त्यावर मात

©® प्रा.पुरुषोत्तम पटेल " पुष्प "

सख्या रे...!

सख्या रे,सख्या रे ये ना...

विरह    हा सोसवेना 

मन   माझे  आतुरले 

येऊन  मिठीत  घे ना ।।१।।

तुझ्याविना   करमेना

वाटे   जीवन   उदास

तूच  तर  आहे  राजा

माझा जीवनात खास ।।२।।

सख्या तुझ्याविना भासे

बासुरीचे     मंद   सूर

मन  माझे   शोधते  रे

नको  राहू  रे  तू  दूर।।३।।

उमलेना  थिजली   रे 

तुझी  रे  ही  रातराणी

कोमेजली   श्वेततळी

जणू शुक्राची चांदणी ।।४।।

नभी   मेघांच्या राईत

चंद्र   लाजला   लपून

तनूवरी   या   घालावे

प्रीतरंगी       पांघरुन ।।५।।

©® प्रा.पुरुषोत्तम पटेल " पुष्प "